पछिल्लो समय महिला हिंसा र सरकारको मनोमानि कर वृद्धिको विरुद्धमा देशभर सरकारको बिरोध भइरहेको बेला ‘वीर गोर्खाली’ अभियानले पनि देशका विभिन्न स्थान हरुमा बिरोध सभा आयोजना गर्दै आएको छ।
शनिवार गोङ्बु स्थित नयाँबसपार्क मा ‘महिला हिंसा, अत्यधिक कर र चरम मूल्य वृद्धि’ को विरुद्धमा आयोजित बिरोध सभामा बोल्दै अभियानका अभियन्ता निराजन बमले अहिलेको गणतान्त्रिक सरकार दिनानुदिन जनबिरोधि बन्दै गएको आरोप लगाएका छन। उनले भने “आम नेपाली जनता राजसंस्था लाई पाखा लाउनु मा पछुतो मानिरहेका छन।”
कार्यक्रममा बोल्दै अभियान्ता श्रीजना वाग्लेले राजाको शासनकालमा नवजात शिशुको आमालाई एक हजार सुत्केरी खर्च दिने ब्यबस्थालाई सोझै खारेज गर्ने आट नगरेर घुमाउरो पारामा दुई सय ब्याज सहित जन्म दर्ताको गर्दा १२ सय रुपैया असुल्नुले सरकारको नियती स्पष्ट भएको बताइन।
उनले विभिन्न बाहानामा अपराधी लाई सजाय मुक्त गर्न सरकार उद्दत रहेको स्मरण गर्दै बलात्कारीलाई बाचुन्जेलको जेलसजाय को कानुन निर्माण गरेर सरकारले आखामा छारो हालेको बताउदै साउदी अरेबियामा जस्तै फासीको सजाय दिनुपर्ने कानुन निर्माण गर्नुपर्ने बताइन।
कार्यक्रम सन्चालन गर्दै अभियन्ता मनोज सापकोटाले अब सरकारको मनोमानी टुलुटुलु हेरेर बस्न नसकिने बताउदै यो सरकारको विरुद्धमा नभएर सिङ्गो गणतान्त्रिक ब्यबस्थाको विरुद्धमा एकताबद्ध हुनुको विकल्प नभएको बताए। उनले भने “यो अत्यधिक कर र चरम मुल्य वृद्धि गर्नुमा सरकार मोहोरा मात्रै हो यो गणतन्त्र नै मूल्य वृद्धि र अत्यधिक कर को प्रमुख कारण हो त्यसैले गणतन्त्र खारेजी मात्रै समस्याको समाधान हो।”
श्रीमान गम्भीर नेपाली रास्ट्रीय गान बाट सुरुभएको कार्यक्रम अभियन्ताहरु निराजन बम, सृजना वाग्ले, बिबेक सिलवाल, कैलाश शर्मा लगायत एक दर्जन बक्ताहरुले सरकार विरुद्ध आक्रोश व्यक्त गरेका थिए। अभियानका अभियन्ता सौरभ भण्डारीले ‘वीर गोर्खाली’ अभियान को आधिकारिक गित देश बचाइ राख्नेभए संघीयता खारेज गरौं भन्ने गाएका थिए भने मनिष भण्डारीले ‘महिला हिंसा’ नामक कबिता वाचन गरेका थिए।
कार्यक्रम पस्चात पत्रकारहरु सङ्ग कुराकानी गर्दै अभियन्ता सौरभ भण्डारीले आजको कार्यक्रम रोक्न बामपंथी सरकार प्रशासनको आडमा लागिपरेको तर सोही कारण ३ बजे निर्धारण भएको कार्यक्रम ५ बजे गर्नुपरेको र त्यसले उपस्थितलाई अन्यौलता सिर्जना गराएपनी रास्ट्रीयता र जनजीविकाको सवालमा कोहि कसैसँग नझुक्ने बताउदै निरन्तर लागिरहने बताए।
Credit : onlinepana.com