सर्वाेच्च अदालतले रिहा गरेपनि नेपाल कम्युनिस्ट पार्टीका प्रवक्ता प्रकाण्डलाई प्रहरीले पुनः गिरफ्तारी गर्ने तयारी गरेपछि उनी सर्वाेच्च अदालतभित्रै बसेका छन्।प्रहरीले पुनः गिरफ्तार गर्ने सूचना पाएपछि प्रवक्ता प्रकाण्ड सर्वोच्च अदालतभित्रै बसेका हुन् ।
सर्वोच्चको आदेशमा प्रकाण्डसँगै गिरफ्तार भएका हरिचन्द्र आचार्य र मानवबहादुर श्रेष्ठलाई रिहा गरेपछि पुनः गिरफ्तार गरिएको छैन ।४ घण्टा लामाे समयदेखि प्रहरीहरूकाे ठूलाे समुह प्रकाण्डलार्इ गिरफ्तार गर्न सर्वाेच्च बाहिर धर्ना बसेपछि स्थिति निकै असहज बनेकाे छ ।
अहिले ८ बजेसम्म पनि प्रहरीकाे ठूलाे समुह सर्वाेच्चकाे परिसर बाहिर रहेर पक्राउ गर्ने तयारी गरेपछि त्यहाँ पत्रकार र मानवअधिकावादीहरूकाे ठूलाे समुह पनि सर्वाेच्चभित्र पुगेका छन् ।भर्खरै राष्ट्रिय मानव अधिकार आयोगमा सदस्य सुदिप पाठक सर्वोच्च अदालत पुगेका छन् । त्यस्तै नेपाल बार एशोशियनका अध्यक्ष शेरबहादुर केसी पनि पुगेका छन् ।
प्रवक्ता प्रकाण्डलाई सुरक्षित आयोगको कार्यालय लिने प्रयास भइरहेको बताइएको छ । तर, जसरी पनि गिरफ्तार गरेरै छोड्ने तयारीका साथ प्रहरीले परिसरभित्रै गाडी लिएर तयारी अवस्थामा बसेकाे छ ।
प्रकाण्डका छोरा नरेन्द्रबहादुर बिकले तीनै जनालाई गैर कानुनी रुपमा गिरफ्तार गरेको भन्दै रिहाईको माग गर्दै सर्वोच्चमा रिट दायर गरेका थिए ।प्रहरीले लगाएको चन्दा अभियोग पुष्टी नभएपछि सर्वोच्चले अाजै रिहाईको अादेश गरेको थियो ।
Credit : onlinepana.com