बैशाख, काठमाडौं । बलिउड अभिनेत्री करिश्मा कपुर काठमाडौं आएकी छिन्। सोमबार विहान ९ बजे त्रिभुवन अन्तर्राष्ट्रिय विमानस्थलमा ओर्लिएकी करिश्मा १५ वर्षपछि नेपाल भ्रमणमा आएकी हुन्।
उनले आजै मेरिगोल्ड ज्वेलर्सको दरबारमार्गमा खुलेको शाखाको रिबन काटेर उद्घाटन गरेकी छिन्। मेरिगोल्ड ज्वेलर्सकी संचालिका ज्योत्सना श्रेष्ठका अनुसार करिश्मा ज्वेलरी उद्घाटनकै लागि काठमाडौं आएकी हुन्।
शाखा उद्घाटनका क्रममा करिश्माले आफू १५ बर्ष अगाडि नेपाल आएको र फेरि पनि आउने बताइन्। सगरमाथाको देश नेपाल आफूलाई मनपर्ने ठाउँ भएको भन्दै यहाँ आउन पाउँदा खुसी लागेको उनले बताइन्।
Credit : raranews.com