नेकपा (क्रान्तिकारी माओवादी)का स्थायी समिति सदस्य सीपी गजुरेलले प्रधानमन्त्री केपी अाेली दिल्ली भ्रमणबाट माेदीकाे क्याम्पमा छिरेकाे गंभीर अाराेप लगाएका छन् ।
नेपाली हितमा कुनै सम्झाैता गर्नु थिएन भने किन दिल्ली भ्रमण गरेकाे भन्दै गजुरेलले अाेली अाफु माेदीकाे एजेन्ट हुँ भनेर अाेहदाकाे प्रमाणपत्र बुझाउन दिल्ली गएकाे अर्काेे गंभीर अाराेप लगाए ।
विप्लव नेतृत्वकाे नेकपा, नेकपा (क्रान्तिकारी माओवादी), नेकपा (मसाल) र नेकपा (ऋषि कट्टेल)ले मंगलबार संयुक्त रुपमा आयोजना गरेको अन्तक्र्रियालाई सम्बोधन गर्दै अध्यक्ष गजुरेलले यस्तो बताएका हुन् ।
‘अाेलीजीले कुनै राष्ट्रहितमा सम्झाैता गर्नु थिएन भने किन दिल्ली गएकाे त ?’ गजुरेलले भने, ‘म तपार्इकाे एजेन्ट बनिसके र त्यसकाे अाेहदाकाे प्रमाणपत्र बुझाउन अाएकाे हुँ भनेर भन्न अाेली दिल्ली गएका हुन् ।’
गजुरेलले अरुण तेस्रो दिल्लीमै बसेर उद्घाटन गर्ने भनिएको कार्यक्रम जनताको व्यापक विरोध र त्यसो गर्दा आफ्नो नक्कली राष्ट्रवादको मुकुण्डो झनै नराम्ररी उतारिने डरले अन्तिम समयमा आएर स्थगित गरेकाे नेता गजुरेलले बताए ।
कार्यक्रममा परराष्ट्रविद् हिरण्यलाल श्रेष्ठले राष्ट्रिय स्वाधीनताका लागि सन् पचासलगायत असमान सन्धि सम्झौताहरुको खारेजी गरिनु पर्ने, सीमालाई व्यवस्थित गरिनु पर्ने, मुलुकभित्र निर्यातजन्य वस्तुको उत्पादनमा जोड दिनुपर्ने, गोर्खाभर्तीकेन्द्र खारेज गरिनु पर्ने विचार व्यक्त गरे ।
पूर्व गर्भनर दीपेन्द्र बहादुर क्षत्रीले प्राकृतिक तथा मानवीय स्रोतसाधन विदेशीलाई बेचेर मुलुकमा आर्थिक विकास सम्भव नहुने भन्दै त्यसका लागि त्यसको सही सदुपयोग गर्नुपर्ने विचार राखे ।सीमा बिज्ञ बुद्धिनारायण श्रेष्ठ, जलस्रोत विज्ञ दीपक ज्ञवालीले पनि भारतसँग गरिएका असमान सन्धिसम्झोता खारेज गरिनुपर्ने विचार राखेका थिए ।
Credit : onlinepana.com