काठमाडौं जिल्ला अदालतमा सम्बन्ध–विच्छेदको मुद्दा लिएर दैनिक १२ देखि १५ जोडी पुग्ने गरेका छन् । काठमाडौं जिल्ला अदालतबाट मात्रै पाँच वर्षको अवधिमा १२ हजार २ सय ३९ जोडीले सम्बन्ध–विच्छेद गरिसकेका छन् ।
अदालतमा २० देखि ३० वर्ष उमेर समूहका युवा सम्बन्ध–विच्छेदका लागि पुग्ने गरेका छन् । जिल्ला अदालतमा परेका सम्बन्ध–विच्छेदका १५ हजारभन्दा बढी मुद्दामध्ये १२ हजार जति टुंगिएका छन् । देशभरका जिल्ला अदालतको तुलनामा सम्बन्ध–विच्छेदका मुद्दा काठमाडौं जिल्ला अदालतमा धेरै पर्ने गरेका छन् ।
आर्थिक वर्ष २०७–०७१ देखि २०७४–७५ सम्म सम्बन्ध–विच्छेदका १५ हजार ३ सय ८० मुद्दा दर्ता भएका छन् । तथ्यांक हेदा वर्सेनि सम्बन्ध–विच्छेदका मुद्दा बढ्दैछन् ।
अदालतका उपसचिव तथा स्रेस्तेदार कृष्णप्रसाद नेपालका अनुसार घरमा एकदमै पीडित भएर अदालत पुग्ने महिला कमै मात्र छन् । धेरैजसो श्रीमान विदेश गएर आउँदा पत्नीसँग मनमुटाव भई सम्बन्ध–विच्छेदका लागि आउने गरेका घटना निकै बढी रहेको खबर सोमबारको नागरिक दैनिकमा प्रकाशित छ ।
Credit : newskoseli.com