पदयात्री पर्यटकलाई बिरामी बनाएर ‘फेक रेस्क्यु’ गर्दै बीमा कम्पनी हुँदै पुनर्वीमा कम्पनीबाट प्रतिपर्यटक ५० हजार डलरसम्म असुल गर्ने गरेको रहस्य खुलेको छ ।
ट्रेकिङ कम्पनी, गाइड, रेस्क्यु कम्पनी, हेलिकप्टर कम्पनी र अस्पतालको मिलेमतोमा लामो समयदेखि ‘फेक रेस्क्यु’ को धन्दामार्फत नेपाल आउने पर्यटकलाई प्रयोग गरेर रकम असुल्ने गरेको पाइएको हो । यसबाट आउने ठूलो धनराशि उनीहरुले भागबन्डा गर्ने गरेको पाइएको छ ।
नेपालमा झन्डै २ लाख पर्यटकहरु पदयात्रामा आउने गरेका छन्, जसमा ५० हजारभन्दा बढी पर्यटक उच्च भागमा पदयात्राका लागि जाने गरेका छन् । नेपालमा झन्डै २ हजार ट्रेकिङ कम्पनी सञ्चालनमा रेको खबर शुक्रबारको कारोबार दैनिकमा प्रकाशित छ ।
Credit : newskoseli.com