कतारको अदालतले हत्या अभियोगमा एक नेपालीलाई मृत्युदण्डको ‘फैसला’ सुनाएको छ । कतारी नागरिक मोहम्मद एम्ययर अल रमाजैनी अल नुएमीको हत्या अभियोगमा त्यहाँको तल्लो अदालतले अनिल चौधरीलाई मृत्युदण्डको फैसला सुनाएको हो ।
यो फैसलाउपर नेपाली दूतावासले त्यहाँको सर्वोच्च अदालतमा पुनरावेदन गरेको छ । हत्या अभियोगमा औरही– १, महोत्तरीका चौधरी २०१७ अप्रिल पहिलो साता पक्राउ परेका थिए । मृत्यु नभएसम्म गोली हानेर मृत्युदण्ड दिने फैसला अदालतले सुनाएको हो ।
पुनारावेदनमा बहस गर्न झन्डै ३० हजार रियाल (करिव ६ लाख रुपैयाँ) लाग्ने भन्दै दूतावासले बजेट उपलब्ध गराउन सरकारलाई अनुरोध गरेको खबर मंगलबारको कान्तिपुर दैनिकमा प्रकाशित छ ।
Credit : newskoseli.com