सेनामाथिको हस्तक्षेप स्वीकार्य छैन : प्रधानसेनापति

काठमाडौं : प्रधानसेनापति भएपछि पहिलो पटक पत्रकार सम्मेलन गरेर बिहीबार  थापाले भने, ‘लोकतान्त्रिकरणको नाममा सेनामाथि हुने कुनैपनि प्रकारका माइक्रो म्यानेजमेन्ट स्वीकार्य हुँदैन ।’

थापाले नेपाली सेना ‘चेन अफ कमाण्ड’मा चल्ने संगठन भएकाले सेनामाथि हुनसक्ने कुनैपनि प्रकारका माइक्रो म्यानेजमेन्ट स्वीकार्य नहुने प्रष्ट पारे ।

उनले सानो र चुस्त बनाउने नाममा नेपाली सेनाको संरचनालाई परिवर्तन गर्न नहुने बताए । नेपाली सेनाको आफ्नै इतिहास र गरिमा रहेको भन्दै उनले यस्तो बताएका हुन्। यद्यपी, उनले संविधान बमोजिम सरकारले दिएका निर्देशन पालना गर्न नेपाली सेना सदैव तयार रहेको बताए।

केही समूहले विखण्डनका कुरा गरिरहेको भए पनि त्यस्ता गतिविधिलाई निस्तेज पार्न सरकारले सेनालाई कुनै अधिकार नदिएको उनको भनाइ छ ।

‘सरकारले आवश्यक नठानेर सेनालाई अहिले विखण्डनकारीका गतिविधि निस्तेज पार्ने म्यान्डेट नदिएको हुनसक्छ, यो नेपाली सेनाको डोमेनमा पर्दैन’, प्रधानसेनापति थापाले भने, ‘तर नेपाली सेना विखण्डनकारीका गतिविधिबारे पूर्णरुपमा सजग र जानकार छ ।’

फरक प्रसंगमा प्रधानसेनापति थापाले नेपाली सेना भित्र भनसुनका आधारमा कुनैपनि काम नहुने बताए ।

आफू संगठन सुदृढीकरणको बाटोमा रहेकाले सरुवा, बढुवा, भर्ना र शान्ति मिसनमा छनोट गर्दा कसैको भनसुन नलाग्ने उनको भनाइ छ।  थापाले भनसुन, नातावाद र निकटस्थताका आधारमा नभइ योग्यता र क्षमताका आधारमा सकलदर्जाले अवसर पाउने बताए ।

 

Credit : raranews.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.