सूर्यको अध्ययन गर्न प्रक्षेपण गरियो रकेट

 

अमेरिकी अन्तरिक्ष अनुसन्धान संस्था (नासा) ले सूर्यको सतहको अध्ययनका लागि आइतबार एक अर्ब ५० करोड अमेरिकी डलरको ‘महत्त्वाकांक्षी एवं ऐतिहासिक’ अभियान सफल बनाउन अन्तरिक्ष रकेट प्रक्षेपण गरेको छ ।

यो अभियानले सौर्य आँधीको रहस्य पत्ता लगाउने अपेक्षा वैज्ञानिकहरुले गरेका छन् । ‘तीन, दुई, एक, ब्लास्टअफ’… फ्लोरिडास्थित केप कानाभरालबाट डेल्टा– ४ रकेट प्रक्षेपणका क्रममा विवरण सार्वजनिक गर्नासाथ हालसम्मकै तीव्र गतिको रकेट स्थानीय समयअनुसार बिहान ३ः३१ मा अँध्यारो आकाशतर्फ उडेको थियो ।

यस अनुसन्धान मिसनको नाम ‘पार्कर सोलार प्रोब’ राखिएको छ । यो मानवरहित अन्तरिक्ष यान इतिहासमै पहिलो पटक मानवनिर्मित वस्तु सौर्य प्रणालीको सबैभन्दा नजिक पुग्नेछ । सात वर्षको यस मिसनअन्तर्गत पार्कर सोलार प्रोब सौर्य वायुमण्डल (कोरोना) मा प्रवेश गर्ने गरी डिजाइन गरिएको छ ।

यसलाई ‘अति शक्तिशाली ताप प्रतिरोधक’ ले सुरक्षित गरिएको छ । नासाका वैज्ञानिकहरुका अनुसार, यो अन्तरिक्ष यान सूर्यको सतहबाट ३८ लाख माइलभित्रको क्षेत्रमा प्रवेश गर्नेछ, जसलाई ‘कोरोना’ भनिएको छ । यो क्षेत्र सूर्यको सतहभन्दा ३ सय गुणा बढी तातो हुने ठानिएको छ ।

Credit : newskoseli.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.