वामदेवको रहरले नेकपाको शीर्ष तहमै हंगामा, के होला अब ?

नेपाल कम्युनिस्ट पार्टी (नेकपा) भित्र आन्तरिक एकतालाई लिएर विवाद चुलिइरहेका बेला नेता वामदेव गौतमले बहालवाला सांसदलाई राजीनामा गराएर उपनिर्वाचन लड्ने विषयले झनै विवाद बढाएको छ ।

वर्दिया निर्वाचन क्षेत्र नं. १ बाट प्रतिनिधिसभा चुनावमा पराजित नेता गौतमले काठमाडौं– ७ बाट निर्वाचित सांसदलाई राजीनामा गराएर संसदमा भित्रने प्रक्रिया नेकपामा सुरु भएपछि यसले विवाद भने चर्काएको हो । नेकपाका सांसद रामवीर मानन्धरले मंगलबार पत्रकार सम्मेलनमार्फत गौतमका लागि राजीनामा दिने घोषणा गरेका थिए ।

सांसद मानन्धरले अध्यक्ष पुष्पकमल दाहाल ‘प्रचण्ड’ र नेता गौतमसँग छलफल गरी राजीनामा दिन लागेको जनाएपछि नेकपाका सचिवालय सदस्य एव उपप्रधानमन्त्री ईश्वर पोखरेलले सामाजिक सञ्जालमा लामो प्रतिक्रिया लेख्दै दुर्भाग्यपूर्ण सम्भावनालाई पराजित गर्नुपर्ने बताएका छन् ।

यो चर्चासँगै पोखरेल मात्र नभई नेकपाका अधिकांश नेता–कार्यकर्ता तरंगित हुनुका साथै पार्टीभित्र गम्भीर शंशय पैदा भएको खबर बिहीबारको नागरिक दैनिकमा प्रकाशित छ ।

Credit : newskoseli.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.